Aleanca e Atlantikut të Veriut po zhvillon stërvitjen më të madhe ushtarake në historinë e saj. Lajmin e kanë konfirmuar mediat e huaja, sipas të cilave, stërvitja simulon një sulm ndaj një vendi anëtar të aleancës.
Stërvitja Air Defender 2023 vjen si një shfaqje force për Rusinë, me rreth 10,000 pjesëmarrës dhe 250 avionë nga 25 vende. Suedia, e cila shpreson të bashkohet me aleancën, dhe Japonia po marrin pjesë gjithashtu në stërvitje. Avionët e parë u ngritën mëngjesin e të hënës nga pistat ajrore në veri të Gjermanisë.
Vetëm SHBA ka angazhuar në këtë stërvitje 2000 trupa të Gardës Kombëtare Ajrore dhe rreth 100 avionë. Përpara stërvitjes, Amy Gutmann, ambasadorja e SHBA-së në Gjermani, tha: “Do të isha shumë e befasuar nëse ndonjë lider botëror nuk do të merrte parasysh atë që tregon kjo stërvitje, kur flasim për frymën e kësaj aleance, ose forcën e kësaj aleance. Dhe kjo përfshin edhe presidentin rus, vladimir Putin.”
Gjenerali Michael Loh, drejtor i Gardës Kombëtare Ajrore të SHBA, tha se stërvitja shkon përtej përgatitjes dhe paralajmërimit. “Kjo ka të bëjë me atë se çfarë do të thotë të dalësh kundër një fuqie të madhe,” tha ai.
Kjo stërvitje ushtarake do të vazhdojë deri më 23 qershor.
Pamje: AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#TopChannel#NATO
