2018-2019-cu tədris ili üzrə “ASAN peşə” layihəsi çərçivəsində dövlət peşə təhsili müəssisələrinə sənəd qəbuluna başlanılıb.Vətəndaşlar bütün ASAN xidmət və ya ASAN kommunal mərkəzlərinə yaxınlaşıb elektron formada müraciət edərək istədiyi peşə məktəbini və peşə sahəsini seçə bilər. Bakı, Sumqayıt, Gəncə şəhərlərində və Abşeron rayonunda yerləşən peşə təhsili müəssisələrinə həm dövlət, həm də ödənişli əsaslarla qəbul aparılacaq. Mingəçevir şəhəri, Bərdə, Masallı, Sabirabad, Quba və Qəbələ rayonları üzrə peşə təhsili müəssisələrinə dövlət hesabına qəbul müvafiq “ASAN xidmət” mərkəzlərində aparılacaq.“ASAN xidmət” mərkəzlərinin fəaliyyət göstərmədiyi şəhər və rayonlar üzrə dövlət peşə təhsili müəssisələrinə sənəd vermək istəyən şəxslər istənilən “ASAN xidmət” mərkəzinə və ya müvafiq təhsil müəssisələrinə müraciət edə bilərlər. Ərizə qəbulu üçün şəxsiyyət vəsiqəsi və təhsil haqqında sənəd (şəhadətnamə və ya attestat) tələb olunur.
Dövlət peşə təhsili müəssisələrinə sənəd qəbulu prosesində vətəndaşlar 10 ixtisas seçə bilər. Müraciət edənlərin sərbəst seçimi əsasında dövlət peşə təhsili müəssisələri, onların ixtisasları müəyyən edilir və istədikləri ardıcıllıqla təsdiqlənir. Təhsil müddəti 6 ay 1, 2 və 3 il müdətinə nəzərdə tutulub. 3 il müddətinə peşə məktəbini bitirən vətəndaşa həm attestat həm də peşə məktəbinin diplomu təqdim ediləcək. Nəticələr avqust ayının 27-də Təhsil Nazirliyinin və Peşə Təhsili üzrə Dövlət Agentliyinin rəsmi saytlarında elan olunacaq.
Dövlət peşə təhsili müəssisələrinə qəbul şəhadətnamə və ya attestat üzrə müvafiq fənlərin orta balı nəzərə alınmaqla aparılır. Dövlət peşə təhsili müəssisələrinə ərizə qəbulu avqustun 26-dək “ASAN xidmət” və “ASAN Kommunal” mərkəzlərində ödənişsiz formada həyata
