Да прэзентацыі выдання “Полоцк” серыі “Древнейшие города Беларуси” (2012) у ЦНБ НАН Беларусі быў створаны фільм “Ад Полацка пачаўся свет…”

Няма на беларусі іншага горада, які даў бы радзіме столькі знакамітых людзей, як старажытны Полацк, які ўпэўненна можна назваць крыніцай асветніцтва і калыскаю вядомых беларускіх асветнікаў.
Дарэчы, адным з першых на тэрыторыі Беларусі кнігасховішчам лічыцца бібліятэка Полацкага Сафійскага Сабору. Як мяркуюць даследчыкі асновы гэтай унікальнай бібліятэкі былі закладзеныя Еўфрасінняй Полацкай.
Асветніцкую дзейнасць Еўфрасінні Полацкай працягнуў навуковец, гуманіст, творчасць якога аказала ўплыў на развіццё беларускай мовы, літаратуры, навукі, кнігадрукавання – доктар Францыск Скарына. Засталося ў гісторыі таксама імя славутага палачаніна Сімяона Полацкага (Самойла Пятроўскага-Сітняновіча). Выдатны асветнік, пісьменнік, педагог, перакладчык, выдавец Сімяон Полацкі адкрыў у Маскве першую свецкую друкарню, і на той час адзіны ў Расіі атрымаў права выдаваць кнігі без спецыяльнага дазволу Патрыярха.

Вечны, як плёскат хваль Дзвіны аб бераг, як подых ветру, як шолах птушыных крылаў. Самы стары горад Беларусі. Як Старажытная Элада з'яўляецца калыскай еўрапейскай цывілізацыі, так Полацк з'яўляецца калыскай беларускай дзяржаўнасці.

У фондах ЦНБ НАН Беларусі захоўваюцца выданні XVI–XXI стст., якія распавядаюць пра багатую падзеямі гісторыю горада. Сярод іх “Дневник последнего похода Стефана Баторыя на Россию…”, выдадзены расійскім гісторыкам Міхаілам Каяловічам (1867 г.), “Записки о Московской войне, 1578–1582” (1889 г.) польскага гісторыка, сакратара караля Стэфана Баторыя Рэйнгольда Гейдэнштэйна. Дарэчы, у яго “Запісках…” упершыню згадваецца найстарэйшая з вядомых бібліятэк на тэрыторыі Беларусі – бібліятэка Полацкага Сафійскага сабора.
Шэраг цікавых дакументаў змяшчаюць «Археографический сборник документов, относящихся к истории Северо-Западной Руси» (т. 1, 1867 г.), “Полное собрание русских летописей” (т. 17, 1907 г.), “Полоцкая ревизия 1552 г.” (1905 г.) і іншыя.

Рубрыка: Архіўныя відэа #ЦНБ #НАН

Наша група ў ВК: [ Ссылка ]
Наша група ў ФБ: [ Ссылка ]
Наша старонка ў Інстаграм: [ Ссылка ]

свернуть