ہری پور
5فروری یوم یکجہتی کشمیر کے حوالے سے گورنمنٹ مڈل سکول نمبر4ہری پور میں ایک پروقارتقریب کاانعقاد کیاگیا جس میں طلبہ نے یوم یکجہتی کشمیر کے حوالے سے ملی نغمے پیش کیے سکول کے ہیڈماسٹر حافظ سرفراز خان اورطلبہ نے اپنے خیالات کااظہار کرتے ہوئے کہا کہ 05فروری یوم یکجہتی کشمیر کا دن پاکستانیوں اور کشمیریوں کے لازوال رشتہ کی پہچان ہے جسے کئی دہائیوں سے بھرپور طریقے سے منایا جاتا ہے 28فروری 1975کوپہلی مرتبہ یوم یکجہتی کشمیر منایاگیاجبکہ 2004سے سرکاری طورپریہ دن منایاجارہاہےیہ دن پاکستانیوں اور کشمیریوں کے مذہبی،ثقافتی اور سماجی ہم آہنگی کی پہچان ہے۔ مقبوضہ کشمیر میں قابض بھارتی فوج کے ہاتھوں انسانی حقوق کی سنگین پامالیوں پرہندوستان کی شدید مذمت کرتے ہوئے اقوام عالم سے مطالبہ کرتے ہیں کہ وہ مقبوضہ کشمیر میں بھارتی فوج کے ہاتھوں انسانی حقوق کی سنگین پامالیاں بند کروائیں اور اقوام متحدہ کی منظور شدہ قراردادوں پر عملدرآمد یقینی بنائیں۔ مقبوضہ کشمیر میں بھارتی افواج نے ظلم وجبر کا ایسا کوئی ہتھکنڈہ نہیں چھوڑا جو بے گناہ اور بے سروسامان کشمیری عوام پر آزمایا نہ گیا ہو۔ لیکن کشمیری عوام جرات، پامردگی اور حوصلے سے اپنے موقف پر قائم ہیں اور کشمیریوں نے اپنے نصب العین کونہیں چھوڑااور نہ ہی وہ کسی بھی صورت اپنے موقف سے دستبردار نہیں ہونگے۔ کشمیر ی نوجوان برہان مظفر وانی شہید کے مشن کو لے کر نوجوان نسل سر بکف ہو گئی ہے۔ ہم بھارت پر واضح کرتے ہیں کہ وہ کشمیریوں کے بنیادی حق،حق خودارادیت میں رکاوٹ نہ بنے بلکہ سنجیدگی کا مظاہرہ کرتے ہوئے مذاکرات کے ذریعے مسئلہ کشمیر کو حل کرے۔ کشمیری عوام ریاست جموں و کشمیر کو ناقابل تقسیم وحدت سمجھتے ہیں۔ ہم عالمی برادری پر یہ واضح کر دینا چاہتے ہیں کہ کشمیری عوام کیلئے وہی حل قابل قبول ہو گا جو کشمیری عوام کی خواہشات اور اقوام متحد ہ کی قراردادوں کے مطابق ہو گا تاکہ کشمیری اپنی اُمنگوں اور خواہشات کے مطابق زندگی بسر کر سکیں۔
٭٭٭٭٭
