Misioni i NATO-s në Kosovë, KFOR, ka thënë për mediat në Kosovë se ka patur të shtëna në afërsi të një patrulle të tij në Zubin Potok, një nga katër komunat e banuara me shumicë serbe në veri të Kosovës. Ngjarja ka ndodhur mbrëmjen e së dielës, ndërsa KFOR-i tha se nuk ka të lënduar e as dëme materiale.
Më herët, Policia e Kosovës përgënjeshtroi raportimet e mediave serbe se ka qenë e përfshirë në shkëmbim zjarri në Zubin Potok.
"Nuk ka pasur ndonjë sulm ndaj Policisë së Kosovës, e as nuk ka pasur ndonjë shkëmbim zjarri mes Policisë së Kosovës, apo ndonjë grupi. Policia e kosovës nuk ka shkëmbyer zjarr me askënd ", thuhet në njoftimin për media. Mediat serbe raportuan mbrëmjen e të dielës se rreth orës 19:45 janë dëgjuar shkëmbime zjarri në Zubin Potok, dhe se të shtënat kanë ndodhur pasi Policia e Kosovës "ka tentuar të heqë njërën nga barrikadat" në këtë komunë në veri të Kosovës.
Ministri i Punëve të Brendshme të Kosovës, Xhelal Sveçla, shkroi në Facebook se “lojërat e presidentit serb Alesandar Vuçiq dhe instrumenteve të tij kriminale po vazhdojnë". "Fillimisht deklaruan se në Zubin Potok ka pasur përleshje të armatosura të iniciuara nga Policia e Kosovës dhe Njësitë e saj Speciale. Mirëpo, kur e kuptuan se bandat kriminale të mbështetura nga vet ai kanë sulmuar KFOR-in, provuan t'i mohonin të gjitha sulmet", shkroi ai. Svecla shtoi se barrikadat duhet të hiqen menjëherë dhe se "Serbia duhet të ndalojë organizimin dhe mbështetjen e strukturave kriminale ilegale që duan të destabilizojnë Republikën e Kosovës".


Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#KFOR#Barrikadat

свернуть