Соңғы 10 жылда Каспий теңізінің деңгейі 114 сантиметрге түскен. Соның ішінде Каспий теңізінің Казақстандық секторы 7 пайызға қысқарған. Көптеген экологтар бұл жағдайды жаһандық жылыну мен жауын-шашынның азаюымен байланыстырады. Тағы бір басты себептерінің бірі – Каспийдің булануы. Бұл себепті азайту үшін Каспий теңізіне керекті мөлшерде өзендерден ағын су құйылуы қажет. Жыл сайын Каспий теңізіне 300 миллиард текше метр су құйылады. Оның басым бөлігін - 85 пайызын Еділ мен Жайық өзендері қаматамасыз етіп келген. Өйткені қазіргі уақытта Ресей Федерациясы осы екі өзеннің бойына гидротехникалық құрылыстарды көптеп салып, Каспий теңізіне құятын су мөлшерін көп зайтып отыр. Каспий теңізін құтқару үшін Қазақстанда арнайы ғылыми-зерттеу институты құрылды. Бұл өте маңызды және қажетті шара. Алайда, Каспийді сақтау – бұл тек Қазақстанның ғана емес, теңіздің айналасындағы барлық 5 мемлекеттің ортақ мәселесі болуы керек, бірлесіп жұмыс істеп шемімін тез арада тауып, шаралар жасақтап, соларды іске асыру қажет!
![[2.7K] Cypress Cabins Hike with icy snow sounds](https://i.ytimg.com/vi/bljmGAR4GOA/mqdefault.jpg)
