إفهم بنوك_تعرّف على جميع أنواع البنوك بالتفصيل-وإعرف خدماتها-ووظائف كل بنك
[ Ссылка ]
إفهم بنوك_تعرف على بنوك الاستثمار-وانواعها-وايه الخدمات اللى بتقدمها-ولمين؟
[ Ссылка ]
بداية وتاريخ البنوك ؛ كيف نشأت ؟ وكيف تربح ؟ وكيف تعمل ؟
[ Ссылка ]
============================
قناة الموسوعة المالية
قناة متخصصة فى دراسة وتقديم كل الموضوعات المتعلقة بالاموال بداية من الربح والادارة الى الانفاق والاستثمار
هدفنا تكوين الوعى والثقافة المالية الحديثة لبناء حياة مالية كريمة لكل فرد .
============================
فى الحلقة دى هنتعرف على جميع انواع البنوك والبنوك المصرية Egyptian banks
00:00 نبذه عن الجهاز المصرفى banking system
00:37 البنوك التجارية commercial banks
02:05 بنوك الاستثمار investment banks
02:53 البنوك المتخصصة Specialized Banks
03:45 البنوك الشاملة universal banks
04:20 البنوك الاسلامية Islamic banks
04:44 البنك المركزى المصري Central bank of egypt
============================
الجهاز المصرفى المصرى بيتكون من 6 انواع من البنوك
اولها واهمها هى البنوك التجارية
commercial banks
البنك التجارى مؤسسة مالية تعمل فى مجال تجارة واستثمار وادخار الاموال ؛ ومنح وقبول الائتمان ؛ وتمثل الوسيط بين المتعاملين بالنقد (سواء مانحى الائتمان او طالبى الائتمان)
يعنى ايه الكلام ده
ببساطة شديده ممكن نقول ان البنك التجارى مؤسسة مالية تتعامل فى مجال الائتمان المالى قصير الاجل .
ولو مش عارف يعنى ايه ائتمان
ا البنك التجارى ليه تعريفات كتير بتكون مستمده من الوظائف اللى بيقوم بيها ؛
عشان كدا مش هتلاقيله مفهوم محدد .
لكن ممكن اقولك تعريف بسيط هيلم كل المفاهيم دى ويعرفك يعنى ايه بنك تجارى
البنك التجارى هو تاجر ديون اومؤسسة ائتمان
يعنى بياخد من الناس ودائع عشان يديها لناس تانية اللى هما المقترضين
وبكدا هو بيقبل الائتمان من ناس عشان يمنحه لناس تانية
يعنى بيقترض لكى يقرض
ولو بصيت هتلاقى ان المفهوم ده رغم بساطته الا انه بيجمع كل وظائف البنك التجارى
زى قبول الودائع تحت الطلب - والودائع الثابتة - والحسابات الجارية - وحسابات التوفير – وصناديق الاستثمار – وشهادات الاستثمار وشهادات التوفير
او منح القروض بانواعها زى القروض الشخصية ؛ وقروض الاستثمار والاعمال .
وكمان خصم الاوراق التجارية ؛ ومنح خطابات الضمان ؛ والاعتمادات المستندية .
النوع التانى هو بنوك الاستثمار
investment banks
البنك الاستثمارى هو البنك اللى بيقوم بتقديم الخدمات الاستثمارية للشركات والمؤسسات . زى تمويل راس المال ؛ ومساعده الشركات فى عمليات طرح الاورق المالية فى البورصة زى الاسهم والسندات ؛
وبكدا هو مسئول عن توصيل الشركات الى سوق راس المال للحصول على التمويلات اللازمة لممارسة اعمالها ؛
وكمان بيسوق لبيع الاوراق المالية دى ؛ وفي بعض الاحيان بيقوم بشرائها وتولى توزيعها نيابة عن الشركة ؛
وايضا بيقوم بعمل الدراسات اللازمة لعمليات الطرح والاكتتاب وتولى الاجراءات القانونية لتسجيل الشركات فى البورصة ؛
وعمل دراسات وابحاث عن السوق ؛ وبيقدم الخدمات الاستشارية ؛ والنصائح الهامة للشركات زى نوع الاوراق اللى ممكن تصدرها و وتوقيت اصدارها .
النوع التالت : هو البنوك المتخصصة
Specialized Banks
البنوك المتخصصة عبارة عن مؤسسات مالية متخصصة فى تقديم الخدمات المصرفية لقطاع اقتصادى معين ؛
وده معناه ان البنوك المتخصصة بتقدم معظم الخدمات اللى بتقدمها البنوك التجارية ولكن لقطاع مخصص ؛
وده بيديها امكانيات اكبر من البنوك التجارية فى تقديم الخدمات دى للقطاع اللى متخصصة فيه .
يعنى ان البنوك المتخصصة تعتبر امتداد للبنوك التجارية ومكمله لاعمالها وخدماتها لكن فى قطاع اقتصادى معين ؛
زى قطاع الصناعة واللى بيقوم بخدمت البنوك الصناعية
وزى قطاع الزراعة واللى بيقوم بخدمته البنوك الزراعية
وزى القطاع العقارى واللى بيقوم بخدمته البنوك العقارية
معنى كدا ان البنوك دى بتنقسم الى 3 انواع هى
البنوك الصناعية
industrial banks
البنوك الزراعية
agricultural banks
البنوك العقارية
real estate banks
النوع الرابع : البنوك الشاملة
universal banks
البنوك الشاملة هى وليدة التطور الاقتصادى المعاصر
والذى جعل المؤسسات المالية تقوم بكافة الاعمال البنكية التى تمارسها البنوك بمختلف انواعها .
وده معناه ان البنوك الشاملة بتجمع ما بين البنوك التجارية والعقارية والزراعية والصناعية والاستثمارية ايضا
فهى تعمل دون قيود ...
وتعتبر معظم البنوك التى تنتمى الى الجهاز المصرفى المصرى تصنف على انها بنوك شاملة ؛
وتغطى اعمالها مختلف القطاعات الاقتصادية ...
وكمان بتقوم باعمال المؤسسات المالية الاخرى.
النوع الخامس هو : البنوك الاسلامية
Islamic banks
البنوك الاسلامية هى مؤسسات مالية تقوم بجميع الاعمال المالية والمصرفية
واعمال الاستثمار والادخار وممارسة جميع الاعمال البنكية
ولكن من منظور اسلامى
ومن خلال تطبيق الشريعة الاسلامية فى معاملاتها
زى اعمال المشاركة والمضاربة والإجارة والمرابحة وبيع السلم والقرض الحسن وغيرها
سادسا : البنك المركزى المصرى
Central bank of egypt
البنك المركزى المصرى شخصية اعتبارية تتبع رئيس الجمهورية مباشرة .
وتعتبر عملية الرقابة والعمل على استقرار الجهاز المصرفى والنظام المالى هو الوظيفة الرئيسية للبنك المركزى .
فهو يقوم بالاشراف والرقابة على البنوك الاخرى ؛ وتنظيم السياسات الائتمانية والنقدية والمصرفية ؛ والاشراف على تنفيذها .
ويسمى ببنك الحكومة نظرا لطبيعته القانونية وانه بيتبع الحكومة مباشرة
ويسمى ايضا ببنك الاصدار لانه بيقوم بعملية اصدار وضخ العملات النقدية
ويسمى ببنك البنوك لانه بيقدم الخدمات البنكية للبنوك نفسها ؛ زى الاقتراض والخصم والاعتمادات وعمليات المقاصة وغيرها
==========================
مع تحيات محاسب/ أحمد مبروك
تليفون وواتس 01096123131
