Ağdam məktəblərinin birində şəhid Samir Fərzəliyevin ad günündə tədbir keçirilib. Tədbirdə şəhidin ailə üzvləri, yaxınları, Ağdamlı şəhid ailələri və Məktəbin müəllim və şagird kollektivi iştirak etmişdir.
Tədbir zamanı şəhidin adına jazırlanmış tort kəsildi. Daha sonra məktəbin şagirdləri vətənpərvərlik ruhunda şeirlər səsləndirdilər.
Fərzəliyev Samir Vaqif oğlu 08.12.1996-cı ildə Ağdam rayonunun Qiyaslı kəndində anadan olub. II Qarabağ müharibəsi başlayan gündən döyüşlərə qatılır və Ağdərə istiqamətində gedən döyüşlərdə qəhrəmancasına Şəhid olur.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Samir Fərzəliyev ölümündən sonra “Vətən uğrunda” medalı ilə təltif edildi.
