Кітапхана қызметкерлері Ұлан ауданы Бестерек ауылындағы облыстық тарихи-өлкетану музейі бөліміне сапарлап, тарихи мұражай жәдігерлерімен танысып, Ұлан ауданы Ақбауыр тарихи-археологиялық кешенінде жүргізіліп жатқан қазба экспедициясының жұмыстарына куә болып қайтты.
Сапар барысында ғылыми зерттеу бөлімінің меңгерушісі - Сәкен Жүнісбекұлы кітапхана қызметкерлерін мұражай сөресіндегі құнды заттармен таныстырып, әр жәдігерге жеке тоқталып, мол мәліметтер беріп, өлкеміздің тарихи орындары жөнінде атап өтті.
Отандық археологияның ең белді өкілі, танымал тұлға Зейнолла Самашев өз сөзінде: - Келешекте жоспарда Ұлан ауданының тарихын зерттеп, қазба жұмыстарын жүргізіп, кейін басқа облыстың аудандарын да зерттеу ойымызда бар. Болашақта халыққа қызмет ететін үлкен бір мәдени орталыққа айналады деген сенімдеміз,- деді.

свернуть