#oranews #edirama #saliberisha #ilirmeta

Pas Facebookut dhe Instagramit, politikanët shqiptarë janë fokusuar në Tik Tok, për të shpërndarë videot e tyre sa më shpejt dhe për të qenë më pranë të rinjve. Ndjekësit më të shumtë të këtij aplikacioni janë të rinjtë, dhe për këtë arsye drejtuesit e partive politike synojnë që të jenë sa më interesant për këtë grup të popullsisë duke postuar video me prapaskena apo duke festuar edhe ditëlindjen me ta.

Tik Toku ka marrë vëmendjen e politikanëve shqiptarë, duke nisur nga Kryeministri, lideri i opozitës dhe partia e Lirisë. Zyrat e tyre të komunikimit kanë menduar që në prag të fushatës zgjedhore, shefat e tyre duhet të jenë aktiv edhe në këtë rrjet social, i cili në qendër të saj ka të rinjtë.

Politika shqiptare synon të shkojë më pranë kësaj moshe rebele, duke qenë se është një nga grupet më indiferente ndaj zgjedhjeve apo fuqisë së votës.

Kreu i qeverisë shqiptare ka qenë i parë nga liderët në vend që ka hapur një llogari, pikërisht në korrik të 2021, ndërsa Sali Berisha dhe Ilir Meta vetëm para pak ditësh. Madje lideri i opozitës ka festuar edhe ditëlindjen me ndjekësit e tij online.

Kryetari i PD është më zyrtar në këtë aplikacion por ai në videon e parë të postuar tregon se në Tik Tok informacioni shpërndahet më shpejt.

Ndërsa Ilir Meta ndryshe nga Rama dhe Berisha llogarinë e ka hapur në emër të Partisë së Lirisë, edhe pse video më e klikuar është ajo e me Nard Ndokën në pishinë.

Të rinjtë e Tik Toku janë më shumë të interesuar për prapaskenat apo videot funny dhe jo pjesë nga konferenca për shtyp.

Më shumë ndjekës ka Edi Rama me 54 mijë, i ndjekur nga Berisha i cili në më pak se një muaj ka arritur të mbledhë rreth 24 mijë ndjekës, ndërsa Partia e Lirisë është më pak e pëlqyer, me vetëm 567 ndjekës.

Por video e Metës me Nard Ndokën ka marrë rreth 188 mijë pëlqime.

Për më shumë lexoni në: [ Ссылка ]

Follow Televizionin Ora News

Website: www.oranews.tv

Youtube [ Ссылка ]

Facebook: [ Ссылка ]

Instagram [ Ссылка ]

Twitter [ Ссылка ]

свернуть