Görkəmli muğam ifaçısı, Azərbaycanın xalq artisti Arif Babayevin 80 illik yubileyi təntənəli şəkildə qeyd edildi. Tədbirdə Arif Babayevin Azərbaycan muğam və musiqi sənətinə misilsiz xidmətlərindən danışıldı. Bildirildi ki, ,Arif Babayev bu sahədə bir çox ilkə imza atıb. Bu gün onun yetirmələrinin əksəriyyəti tanınmış, adlı-sanlı xanəndələrdir
Yubiley gecəsində “Arif Babayev-80” kitabı da təqdim edildi. Xalq artistləri və görkəmli ziyalılar muğam ustasının peşəkarlıq nümunəsi olduğunu vurğuladılar. Bildirdilər ki, Arif Babayevin istedadlı gənc muğam ifaçılarının üzə çıxarılmasındakı xidmətləri əvəzsizdir.
Arif Babayev mahir muğam ifaçısı kimi təkcə Vətəni Azərbaycanda deyil, bütün Şərqdə və türk dünyasında şöhrət qazanıb.. Onun ifa etdiyi “Şur”, “Rast”, “Bayatı-Şiraz”, “Çahargah”, “Mirzə Hüseyn segahı”, “Zabul segah”, “Segah” muğamları, xalq mahnıları, təsniflər, bəstəkar mahnıları artıq musiqi mədəniyyətimizin xəzinəsi hesab olunur. Məhz bu əməyinə görə Arif Babayev Preziden İlham Əliyevin 19 fevral 2018 ci il sərəncamı ilə Arif Babayev şərəf ordeni ilə təltif edilib.
