Елордамызда грепплингтен халықаралық ашық турнир өтіп жатыр. «Көрме» орталығында ұйымдастырылған «Astana Open 2018» жарысына әлемнің 6 мемлекетінен 600-ден астам спортшы келді.

Оның арасындағы 200-ге жуық бала мен жасөспірім күні кеше өзара мықтылық байқасты. Астаналық, алматылық және қарағандылық жас палуандардың жауырыны жерге тиместен қатарластарынан басым түсті. Ал ересектер арасында Қазақстанмен қатар, көрші Ресей, Тәжікстан, Өзбекстан, Қырғызстан және Үндістан елдерінің греплингшілері бап пен бақ сынап келеді. Жеңімпаз-жүлдегерлер таяуда анықталады. Айта кетейік, дәстүрлі халықаралық турнир биыл үшінші мәрте өткізілді. Сондай-ақ ақпан айында елордада ел біріншілігі өтіп, іріктеуден сүрінбей өткендер наурызда Бішкектегі Азия чемпионатына жолдама алады. Ал әлем біріншілігі осы қыркүйекте Астанада өтеді деп жоспарланып отыр.

Бағдат Досмағанбетов, бапкер:

- Бұл жерде айырмашылығы жаңағы партерде ауырту тәсіліне салу, қылқындыру тәсілдерімен жеңіске жету тәсілдерімен ерекшеленеді. Стойкада да тексеріп көруге болады өзін басқа күрес саласының жігіттеріне. Бүгінде біздің Қазақстанды грепплингтің астанасы деп айтуға барлық мүмкіндіктері бар. Өйткені жұмыстар жүргізіліп жатыр. Біздің жаттықтырушылар, спортсмендеріміз өте жақсы нәтиже көрсетіп жатқан соң бізде бұған барлық мүмкіндік бар деп есептейміз. Подписывайтесь на «Хабар 24»:
[ Ссылка ]
Наш сайт - [ Ссылка ]
Facebook - [ Ссылка ]
Instagram - [ Ссылка ]
Telegram - [ Ссылка ]
Twitter - [ Ссылка ]
Vkontakte - [ Ссылка ]

свернуть