#الاسد #البربري و اللي ليه اسماء تانيه كتير قالها المؤرخون عليه زي اسد الاطلس او #اسد_جبال_اطلس او الاسد النوبي او الاسد الفرعوني او ملك الجبال الأسد الأمازيغي الأطلسي
الاسد البربري من اغرب الحيوانات في التاريخ لان لحد اللحظه دي مفيش رأي واضح .. هل الاسد البربري فعلا انقرض و لا لسه موجود في عالمنا !
و هل لو انقرض ممكن يرجع للحياه تاني و لا لاء صديقي الانسان علشان المصداقيه اللي بينا فيديو النهارده مفيهوش معلومات مؤكده كتيره .. معظم الفيديو هيكون وجهات نظر و اراء للعلماء و مختلفه عن بعضها كمان و ان شاء الله هنعرضهم كلهم .. مش هنتبني اي وجهه نظر منهم .. احنا هنعرض اهم الاراء و وجهات النظر المختلفه كلها و انت تقرر بنفسك
الاسد البربري سلاله من سلالات الاسود و اللي مكان موطنها الطبيعي من المغرب لمصر
او نقدر نقول شمال افريقيا بدايه زي ما قولنا من المغرب و مرورا بالجزائر و ليبيا و تونس .. نهايه بمصر و بيتميز اسد الاطلس ان عنده لبده ضخمه و كبيره لونها بني غامق جدا او اسود و بتغطي الراس و الرقبه و الاكتاف و بتوصل لنص بطن الاسد و بيكون لونها باهت من قدام و بتبقي غامقه في الخلف
و بيوصل وزنه من 200 ل 280 كيلو جرام
الاسود البربريه كان بتعيش علي شكل فردين يعني زوجين ذكر و انثي او بأقصي تقدير تلت افراد ذكر و اتنين اناث .. علي عكس اسود افريقيا الباقيين اللي بيعيشوا وسط جماعات و بيشكلوا زمرات كبيره خاصه بيهم من 8 افراد و انت طالع
و الاسد البربري كان اوقات بيعيش من غير زمره ينتمي ليها .. لان اللبؤات كانت بتربي الاشبال سواء ذكور او اناث لعمر سنتين و بعدين بتنفصل عنهم .. لان مكنش في طعام او فرائس كافيه للسلالات البربريه في منطقه المغرب العربي .. كانت فرائس اسود الاطلس الرئيسيه و المتاحه هي الخنازير البريه و الاغنام و الغزلان و اوقات الابقار و الاحصنه و الابل البربريه
الاسد البربري كمان بيمتاز بهيبه كبيره نتيجه لشراسته و ضخامته في الحجم .. و يقدر يتحمل قسوه الجبل رغم صعوبه التضاريس في شمال افريقيا
بتقول بعض كتب التاريخ ان الفراعنه او المصريين القدامي هما اول بشر احتكوا بالاسود البربريه لما استقروا علي جنبات وادي النيل و اللي كانت الاسود البربريه مستوطنه فيه بردو .. لانها منطقه خصبه عكس الجبال .. و حصل بين المصري القديم و الاسود معارك دمويه
للاستفارات و الاسئله اشارك معكم حساباتي الشخصيه :
انستجرام
[ Ссылка ]
فيس بوك
[ Ссылка ]
تيك توك
Mohamed ben magdy
