Ауыл шаруашылығы министрлігі азық-түлік бағасын тұрақтандырудың жаңа тетіктерін ұсынды.
Оған сәйкес, уақытылы шешім қабылдауға қолбайлау болатын кедергілер алынады. Тұрақтандыру қорларының жұмысы жеңілдейді.
Әлеуметтік-кәсіпкерлік корпорацияларға біршама еркіндік беріледі. Вице-министр Қайрат Айтуғановтың айтуынша: «Сайып келгенде бұл бағаны реттеуге мүмкіндік туғызады».
Жалпы елімізде бүгінде халық көп тұтынатын азық-түлік бағасы біршама құбылған. Оны мына статистикалық деректерден байқауға болады.
Мәселен, жұмыртқа 34 пайызға, қара шай шамамен 12 пайызға қымбаттаған. Ал пияз, сәбіз, картоп пен қант керісінше арзандаған.
Ұлттық экономика министрлігі өкілдері: «Бағаның құбылуына маусымдық жағдай мен жанар-жағармайдың қымбаттауы әсер етті», – деп отыр.
