Бұл - жыл басталғалы Барахолка маңайында болған өрттің алғашқысы емес. Осыдан он күн бұрын "Байсат" базарында бірнеше қойма жанған болатын. Ал, былтырғы, одан арғы жылдары Барахолка қанша мәрте жанды? Саудагерлердің өзі есебінен жаңылды. Төтенше жағдай департаментіндегілер болса, оны есептеу үшін, "уақыт керек" десті. Базарлар неге таңға жуық немесе түнде, болмаса, кешқұрым тұтанғыш болып кетті? Ирина Советжанқызы 2013 жылдан бері Барахолканың қанша мәрте өртке оранғанын есептеп көрді.
