Studimi i Unicef analizoi mirëqenien e fëmijëve dhe të rinjve deri në moshën 18 vjeç në 41 vendet më të zhvilluara në botë. Shqipëria sigurisht mungonte në këtë studim.
Studimi i tyre zbuloi se Holanda ishte vendi më i mirë për të krijuar një familje, pasi fëmijët atje janë të kënaqur dhe kanë një cilësi të mirë të jetës.
Në shumicën e vendeve, rreth 80 përqind e fëmijëve janë të kënaqur me jetën e tyre, por në Holandë, kjo shifër është 90 përqind. Meksika dhe Rumania dolën përkatësisht në vendin e dytë dhe të tretë, me Turqinë që mban vendin e fundit me "vetëm" 53 përqind.
Holanda gjithashtu mori rezultatet më të larta për qasjen në arsim të mirë dhe aftësitë sociale të fëmijëve. Në këto kategori, Danimarka dhe Norvegjia vinin pas Holandës, duke dalë përkatësisht në vendin e dytë dhe të tretë. Shtetet e Bashkuara, Bullgaria dhe Kili morën rezultatet më të ulëta.
