Gjatë ndalesës në Berlin, presidentja e Kosovës, Vjosa Osmani, i kërkoi liderëve politikë gjermanë mbështetje për aspiratat e vendit të saj për anëtarësim në organizata ndërkombëtare të ndryshme, përfshirë Këshillin e Europës, Bashkimin Europian dhe NATO-n.
Kërkesat e saj, kryetarja e shtetit të Kosovës i paraqiti gjatë takimeve me ministren e Jashtme, Annalena Baerbock, dhe shefin e Komisionit për Punë të Jashtme në Bundestagun gjerman, Michael Roth. Pas takimeve, ambasada e Gjermanisë në Kosovo shkroi në X se Gjermania e mbështet Kosovën në "rrugën drejt BE-së", por theksoi edhe rolin që Kosova duhet ta luajë për integrim rajonal. "Integrimi rajonal, ndër të tjera në me Ballkanin Perëndimor, kërkon përparim në CEFTA dhe normalizimin e marrëdhënieve ndërmjet Kosovës dhe Serbisë.
Kjo është ajo që Baerbock dhe Osmani diskutuan sot në Berlin", thuhet në postim. Tensionet e vazhdueshme mes Kosovës dhe Serbisë mbeten sfida kryesore për Procesin e Berlinit, por ndërkohë ministrja gjermane e Jashtme, Annalena Baerbock shfaqet optimiste se do të ketë një zgjidhje. Në konferencën përgatitore të ministrave të Jashtëm të Procesit të Berlinit, ishte në fokus marrëveshja e shumëpritur e tregtisë së lirë mes vendeve të Ballkanit Perëndimor dhe BE-së, e njohur ndryshe si CEFTA e re, nuk ishte pjesë e deklaratës.
Shkak janë mosmarrëveshjet ende të pazgjidhura me Kosovën. Baerbock tha se është me rëndësi, që në këtë dhjetëvjetor të Procesit të Berlinit të arrihet marrëveshja e CEFTA-s. "Ne po punojmë me përkushtim të madh që në samitin e ardhshëm të krerëve të shteteve dhe qeverive pas dy javësh të mos festohet vetëm 10-vjetori i Procesit të Berlinit, por që të arrihet një gur kilometrik i rëndësishëm, jo vetëm në drejtim të integrimit evropian, por veçanërisht në bashkëpunimin ekonomik në Ballkanin Perëndimor”, u shpreh Baerbock.
Pamje: AFP
Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#VjosaOsmani#Gjermani#TopChannelNews
