33-ամյա Սահակ Սահակյանը զինվորականի ընտանիքից է։ Հայրը՝ Հարազատ Սահակյանը, 1990 թվականի Երասխավանի կռիվների ժամանակ երրորդ զոհն է եղել։ Երկու որդիները՝ Խաչատուրն ու Սահակը, հոր գործն են ընտրել։ Սահակը 7-րդ դասարանից տեղափոխվել է «Քվանտ» վարժարան։ ԵՊՀ ռադիոֆիզիկայի ֆակուլտետ է ընդունվել միայն հարցազրույցով։ Զինվորկան ծառայությունից հետո ընդգրկվել է ՀՀ ՊՆ խաղաղապահ բրիգադի կազմ։ 1 ամիս Գերմանիայում նախապատրաստական փուլ է անցել, հետո Աֆղանստանում ռազմաբազայի պահպանության և պաշտպանության գործն է ստանձնել։ Մոտ 5 տարի առաջ մեկնել է ՌԴ, մի քանի գործ փորձել, վերջին շրջանում էլ տաքսու վարորդ է եղել։ Հունիսի 1-ին՝ ռուս հատուկջոկատային Նիկիտա Բելյանկինի սպանության օրը նա մտել է «Բիր Հաուս» գարեջրատուն, զրուցել բարմենի՝ Նարեկի հետ։ Հենց գարեջրատան դիմաց էլ տեղի է ունեցել վիճաբանությունը։ Սահակի մայրը պնդում է, որ որդին գործով է գնացել գարեջրատուն։ Հիմա նա մեղադրվում է խուլիգանության համար։ Օգոստոսի 2-ին կորոշվի 9 հայ տղաների խափանման միջոցի փոփոխման հարցը։ Այդ օրը կորոշվի նաև խաղաղապահ Սահակի հարցը։

свернуть