БІЗДІҢ YOUTUBE АРНАҒА ТІРКЕЛІҢІЗ: [ Ссылка ]
---------------------------------------------
Қызылордада екі жарым миллиард теңгеге салынған оқушылар сарайына ата-аналар ұл-қыздарын апара алмай жүр. Себебі, аталған кешен қала сыртында орналасқан екен. Және жаңа ауданға қоғамдық көлік те қатынамайды дейді тұрғындар. Ең қызығы, түсірілім тобы барғанда қаңырап бос тұрған ғимаратқа түстен кейін оқушылар келе бастады. Мұны шенеуніктер ұйымдастырды ма? Әлде расыменде үйірмелер жұмыс істеп тұр ма? Әріптесім біліп келді.
АБАЙ НҰРЖАНҰЛЫ, тілші:
- Осыдан бір ай бұрын ашылған мына оқушылар сарайына дәл қазір бір де бір оқушының кіріп-шығып жүргенін байқамайсыз. Күндізгі уақыт болса да үйірмелер жұмыс істеп тұрған жоқ. Ал ішіндегі кабинеттер қаңырап бос тұр.
Тіпті қаланың кей тұрғындары сол жағалаудан 350 балаға арналған көпфункциялы кешеннің ашылғанын білмейтін болып шықты. Ал, білетіндері тым алыс деп отыр.
- Оқушылар сарайы ашылды дейді. Естідіңіз бе?
- Білмеймін. Естіген жоқпын. Газеттен оқығанмын салынып жатыр деп. Бірақ ашылғанын естіген жоқпын.
- Зачем такие большие дворцы и денег государственных а кружков не открывают? Такие дворцы пустые стоят просто представляте они там живут просто и все.
- Естіген жоқпын.
- Немерелеріңізді сол жаққа жіберер ме едіңіз?
- Қиындау жібере алмаймын. Қиындау апаратын адам керек. Қатынас қиын ғой енді.
Қаланың сол жағалауында орналасқан оқушылар сарайына қатынайтын қоғамдық көлік мәселесі де шешілмеген дейді көпшілік. Бір қызығы, бастапқыда түсірілім тобымыз барған сәтте барлық кабинет бос тұрған. Сол кезде мекеме басшылары жұмысқа білек сыбана кірісе алмай отырғандарын өздері де мойындаған еді. Алайда түстен кейін жауаптылар балаларды жинап қойды ма, әлде оқушылар өздері келді ме әйтеуір бірнеше үйірме жұмыс істеп жатты.
ГАУХАР ҚҰДАЙБЕРГЕНОВА, оқушылар сарайы басшысының міндетін атқарушы:
- Жалпы 50-ге тарта үйірме жүргізіледі деп жоспарланған болатын. Бүгінгі таңда қабылданған мұғалімдерге байланысты 10 үйірменің жұмысы жүйелі түрде жүргізіліп отыр.
-Қазір келіп тұрмыз оқушылар отыр. Түсірілім тобы келеді дегеннен кейін арнайы әкеліп отырғызып қойдыңыздар ма оқушыларды?
-Жоқ, қалай айтсам екен. Үздіксіз жұмыс процесі басталғанға дейін жарнама жүре береді. Келген балаларды қамтып, оларды әрі қарай топтарға бөле береміз.
Айта кетейік, кәсіпкерлердің демеушілігімен 2,5 миллиард теңгеге жуық ақшаға салынған оқушылар сарайы қазір білім бөлімінің меншігінде. Ал басшының міндетін атқарушы үйірме ұстаздары түгел болмаса да неліктен кешеннің лентасы ерте қиылғаны туралы айта алмады. Бірақ қазір мамандарды қабылдау үшін конкурс өткізіліп жатқанын жеткізді.
-------------------------------------------------
Теңдессіз жобамызға көз салыңыз: [ Ссылка ]
Бишімбаев ісі - [ Ссылка ]
Су тасқыны бойынша барлық ақпарат - [ Ссылка ]
Жұмбақ өлімдер - [ Ссылка ]
Біз барлық әлеуметтік желідеміз, тіркеліңіз:
Информбюро 31 [ Ссылка ]
Informburo kz [ Ссылка ]
Facebook - [ Ссылка ]
Instagram - [ Ссылка ]
WhatApp - [ Ссылка ]
TikTok - [ Ссылка ]
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық

свернуть