‘O pullasto - di Francesco Fiore - Recita Franco Gargia - a cura di Gennaro Sansone -
🌹🌹🌹🌹🌹
‘O pullasto
di Francesco Fiore
**
Ogne matina, Giacomo Fullière,
nu masto ‘e Pattison, viecchio masto,
passanno mmiez’â chiazza d’’e pulliere,
penzava : Mo, m’accatto nu pullasto.
**
Po, rifletteva : ‘O munno è accussì tristo
e ‘a vita che campammo è ‘nfama assaje..
pe dà a mangià sei chiuove ‘e Giesù Cristo
ê tiempe ‘e mo..so’ guaje, ma songo guaje!
**
E cammenava c’’o cartoccio sotto,
nu soleto cartoccio ‘e pane asciutto
c’’o bavero aizato d’’o cappotto
nu poco troppo viecchio e troppo strutto!
**
Ma, na matina, na matina ‘e festa,
‘o pover’ommo s’accattaje ‘o pullasto,
‘a moglie c’’o guardava d’’a fenesta..
dicette: Ha fatt’’a spesa : evviva ‘o masto!
**
E che ne faje int’â casa..’a festa ‘e ballo!
tutt’’e guagliune appriesso a stu pullasto.
Dicette ‘o masto: Pare nu pappavallo!
e ‘a moglie..: E quanno dice n’auciello!
**
Mugliè, t’arraccumanno..lesto, lesto,
c’’o ppoco ‘e cepulluzza ..â cacciatore..
i’ vaco a sentì ‘a messa e torno priesto,
pripara tutto a nomme d’’o Signore.
**
Basta, venimmo a nuje, venette ll’ora
ca se mettette a tavula ‘a famiglia,
quanno ascette ‘o pullasto p’’a signora
fuje nu prublema a cumannà ‘a quadriglia!
**
Sta cuscetella ‘a dammo a Luigino
e st’ata cuscetella a Matalena…
‘o cuorpo ca è tantillo a Pascalino
ca ce ne dà nu poco a Filumena
**
Na scelletella ‘a dammo a Vicenzino
e a Carmiluccia st’ata scelletella…
E già, dicette allora ‘on Giacumino:
pe te che resta? sulo ‘a capuzzella?
**
Ma i’ so’ cumtenta!! E i’ pure so’ cuntento!
c’’o ffele mmocca rispunnette ‘o masto.
Doppo tant’anne, almeno, a stu mumento,
veco comme se mangia nu pullasto!!!
🌹🌹🌹🌹🌹
💙💙💙💙
Cara amica e caro amico, se ti è piaciuto questo video e sei un appassionata/o della poesia e della canzone classica napoletana, iscriviti al mio canale, per vederne degli altri e pigia la campanella per ricevere le notifiche dei nuovi video.
L'antologia della poesia napoletana.
Grazie !
Gennaro Sansone
💙💙💙💙
[ Ссылка ]
🌹🌹🌹🌹🌹
💙💙💙💙
🌹🌹🌹🌹
#poesia, - #poesianapoletana, - #poesía, - #gennarosansone, - #poesie, - #antologia, - #napoletano, - #poetry, - #napoli, - #poetinapoletani, - #poesias, - #antologianapoletana, - #antologiapoesie, - #poesienapoletane, - #linguanapoletana, - #dialettonapoletano, - #napoletanità, - #poesierecitate, - #poesienapoletanerecitate, -#videopoesienapoletane, - #videopoesiedigennarosansone, - #poeti, - #linguanapoletana, - #dialettonapoletano, - #videopoesie, - #videopoesierecitate, , - #napoli, - #poesianapoletana - #cultura napoletana, - #videopoesienapoletanerecitate, -
🌹🌹🌹🌹
