Lajme Arkiva 2009
Protesta e Partisë Socialiste është tkurrur në ditën e dyte të saj. Këto pamje janë xhiruar rreth orës 19:00.
Siç shihet, ndryshe nga një ditë më parë, në bulevardin “Dëshmorët e Kombit” ka mbetur një numër i vogël mbështetësish të selisë roze.
E njëjta situate ka qenë gjatë gjithë ditës, siç tregojnë edhe këto xhirime të marra në orën 15:00. Në ditën e dytë, protesta e socialisteve është përshëndetur edhe nga kryeministri Berisha.
Por paraditja ka shënuar serish tension në radhët e deputeteve socialiste. Disa prej tyre kanë bërë thirrje për rrëzimin e qeverise me dhunë.
Eduard Shalsi: “O do të paralajmërojmë se jemi njerëz të emancipuar dhe do të protestojmë në mënyrë paqësore. Por mos provoko se atëherë do ta kuptosh forcën tonë të vërtetë ashtu si kundër ti e njeh fare mirë”.
Disa të tjerë, duke pretenduar se po përgjohen në bisedat e tyre telefonike kanë nxitur turmën drejt selisë së kryeministrie, gati për t’u konfrontuar me policinë.
Fatmir Xhafa: “Ajo që është e rëndësishme në këtë shtet është pikërisht kjo. Kjo makina që është këtu në këtë oborr, është e pa ligjshme dhe plotësisht e denoncueshme dhe prandaj jemi këtu që të denoncojmë pikërisht fytyrën e vërtetë të kësaj qeverie”.
Por pretendimet e deputeteve socialiste për përgjimet janë hedhur poshtë menjëherë nga policia.
Përmes një deklarate për shtyp, drejtoria e Tiranës ka sqaruar se policia e shtetit nuk ka vendosur asnjë automjet apo pajisje përgjuese për kontrollimin e kësaj proteste.
Po kështu, policia, thekson se deklarata të tilla nuk i shërbejnë zhvillimit normal të aktivitetit dhe se bëhen shkak për destabilizimin e situatës.
Përveç këtyre episodeve, situata në përgjithësi ka qene e qetë. Qetësi ka pasur edhe gjatë mbrëmjes së shkuar, e cila ka kaluar me këngë e valle të simpatizantëve që qëndruan në tenda e në sheshin para piramidës./tvklan.al
Gazetare: Elja Zotka
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
