Lajme Arkiva - TV Klan 2001

Në qytetin e Vlorës forcat e policisë së zyrës rajonale të luftës kundër drogës, kanë kapur në lagjen “28 Nëntori” të këtij qyteti, një sasi marihuane të presuar dhe të ambalazhuar. Pas një informacioni paraprak që kishte mbërritur në zyrat e policisë dhe pas kontrollit të ushtruar, në magazinën e firmës së përpunimit të drurit në këtë lagje, u sekuestruan 1470 kilogram marihuanë, të ambalazhuar në pako 1 kilogramshe, me një vlerë 30 milion lekë të reja, si dhe një makineri që shërbente për paketimin dhe ambalazhimin e drogës.

Pas veprimeve procedurale nga ana e zyrës rajonale të luftës kundër drogës dhe sektorit të policisë gjyqësore vlonjate, u arrestuan në flagrancë shtetasit, Altin Skënder Veliko 33 vjeç banues në Vlorë, Kreshnik Beqir Dibra 14 vjeç po banues në Vlorë dhe 37 vjeçari me origjinë greke Kristos Rajdo.

Po në kuadrin e luftës kundër trafiqeve, drejtoria e policisë së qarkut të Vlorës, ka arritur të kap dy gomone të fuqishme që përdoreshin për trafik klandestinësh dhe drogë me drejtim Italinë dhe Greqinë. Të dyja gomonet me gjatësi 8 metra, janë gjetur njëra një kilometër në perëndim të portit të ri të Svërnecit dhe tjetra në pyllin e Sodës./tvklan.al


SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]

свернуть