Pyetje: Sa është shuma e parave dhe ku gjetën ato?

Gazetarja Enkelejda Arapi: Janë plot 522 mijë Euro të cilat janë sekuestruar në Portin e Durrësit përgjatë ditës së sotme. Në fakt shuma e parave u gjet në pjesën e sipërme të një autobusi i cili mbërrinte nga Porti i Barit në atë të Durrësit, gjatë kontrollit të ushtruar nga ana e policisë ishin të ndarë në 6 qese plastmasi, ndërsa prerja e Eurove sipas efektivëve të policisë vijonte nga 10 deri në 50 Euro.

Pyetje: Kujt i përkasin këto para dhe a ka deklaruar njeri gjë ai që u kap me to?

Gazetarja Enkelejda Arapi: Në fakt policia ka arrestuar 3 persona, një prej tyre është edhe Elidon Çela, i cili është edhe pronari i agjencisë por dhe drejtuesi i autobusit në momentin që janë gjetur dhe sekuestruar sasitë e parave. Ky i fundit në fakt ka mohuar të ketë dijeni përsa i përket sasisë së gjetur në autobus, duke pohuar se nuk është personi që i ka futur, megjithatë nga ana e policisë është lëshuar urdhër-arresti në bashkëpunim edhe me Prokurorinë dhe hetimet do të vijojnë më tutje përsa i përket zbardhjes dhe rrethanave.

Pyetje: Këto para u kapën si pasojë e një kontrolli rutinë apo ishin nën hetim?

Gazetarja Enkelejda Arapi: Që prej 1 muaji nga ana e Task-Forcës permanente në Portin e Durrësit vijonte hetimi pasi kishin sinjal se nëpërmjet kësaj pike kufitare do të kalonte një shumë e konsiderueshme paraje, por zbulimi pikërisht në autobusin përgjatë ditës së sotme erdhi fillimisht gjatë kontrollit kur pikasën disa mallra kontrabandë, ndërsa më pas autobusi iu nënshtrua skanerit, aty ku dhe u gjet sasia e parave të fshehura në pjesën e sipërme të autobusit, duke sjellë dhe më pas sekuestrimin e parave por edhe arrestimin e 3 personave, njëri prej të cilëve është dhe pronari ndërsa dy të tjerët janë ndihmës të drejtuesit të autobusit.


SUBSCRIBE to “RTV KLAN” on YouTube for more videos!

Email: info@tvklan.al

Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]

свернуть