Banka e Shqipërisë është tërhequr, të paktën përkohësisht nga përpjekjet për të mbajtur nivelin e këmbimit euro/lek në 1 me 100. Institucioni qendror financiar nuk ka ndërhyrë në treg gjatë muajit gusht, ashtu siç ka bërë disa herë më parë prej shkurtit të këtij viti, duke blerë tepricën e eurove dhe duke hedhur lekë në treg.
Pikërisht kjo ndërhyrje e Bankës së Shqipërisë, sipas ekspertëve të këmbimit valutor dhe agjentëve që operojnë në këtë sektor ka qenë arsyeja kryesore se përse euro nuk ra më parë nën nivelin e 100 lekëve. Kalendari i ndërhyrjes në treg për vitin 2024 i Bankës së Shqipërisë parashikon blerjen e 250 deri në 330 milionë eurove përmes 20 ankandeve. Nga këto ankande, dy prej tyre janë në kalendar për muajin gusht.
Burimet pohojnë se deri më tani ndërhyrja nuk është realizuar dhe kjo është arsyeja e shtimit të sasisë së eurove në treg, duke bërë që më 12 gusht monedha europiane të bjerë për herë të parë poshtë nivelit të 100 lekëve. Për këtë vit, Banka Qendrore nuk ka publikuar shifrat e ndërhyrjes së saj në tregun valutor. Gjatë raportimit në Kuvend, guvernatori Sejko tha se këto shifra do të jepen sipas afateve të përcaktuara nga vetë banka.
Zyrtarisht, Banka e Shqipërisë ka argumentuar ndërhyrjet e saj duke blerë euro me përpjekjet për të luftuar inflacionin dhe mbajtur dhe rritur rezervat e veta valutore, por jozyrtarisht efekti kryesor i kësaj ndërhyrjeje ka qenë mbajtja e euros në nivele relativisht stabël në kursin e këmbimit me lekun.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Tregu#Valutor
