Жарыста адал бол! Мемлекет басшысы Қасым-Жомарт Тоқаев дене шынықтыру және спорт мәселелері бойынша өзгерістер мен толықтырулар енгізу туралы заңға қол қойды. Бұл туралы Ақорданың ресми сайтында жарияланды. Құжатта допингке қарсы ережелерді бұзғаны үшін жауапкершілікті қатаңдату көрсетілген. Енді бұдан былай тыйым салынған препаратты қабылдаған спортшы және оған қатысы бар адамдар әкімшілік жауапкершілікке тартылып, оларға 200 айлық есептік көрсеткіш көлемінде айыппұл салынады. Сонымен бірге допинг пайдаланған толағайлар жарыстан шеттетіліп, мемлекет тарапынан берілген ақшалай сыйақылар мен пәтерлер қайтарылады. Бұған қоса спорттық атақтарынан да айырылады.

свернуть