Абон нæ республикæйы центрон æвзарæн къамис уæрста кандидатты æмæ партиты æхсæн радио æмæ телеуынынады лæвар эфирон рæстæг. Уый тыххæй 8 кандидаты минæвæрттæ æппæрстой хæлттæ. Æмбырды архайдтой паддзахадон телерадиокомпани «Алани» æмæ национ телекомпани «Осетия-Ирыстон»-ы минæвæрттæ дæр. Бæрæггонд æрцыдысты политикон дебаттæ æмæ партиты агитацион видеоæрмæджытæ цы бон æмæ цы рæстæг рацæудзысты эфиры, уый. Зæгъæм, мах канал радих кодта 510 лæвар минуты эфирæй уыцы нысантæн. Телекомпаниты минæвæрттæ ма загътой, агитацион æрмæджытæн ма райсом хæлттæ æппаргæйæ фидын кæмæн хъæуы, уыцы эфирон рæстæг дæр байуардзысты.
Нæ республикон газеттытæ «Северная Осетия» æмæ «Рæстдзинад» лæвар мыхуыры бынат агитаци кæнынæн нæ раттдзысты. Цæмæй уыцы æрмæджытæ мыхуыры рацæуой, уый тыххæй партитæн æмæ сæ кандидаттæн хъæудзæн фидын. Центрон æвзарæн къамисы уæнгтæ куыд фæбæрæг кодтой, афтæмæй абон ахицæн æвзæрстыты размæ кампанийы вазыгджын цау.
_
Мы рядом в:
vk.com/irystontv
instagram.com/irystontv
Telegram: t.me/irystontv
youtube.com/irystontv
twitter.com/irystontv
