Lajme Arkiva 2001

Kryetari i Partisë Demokratike Sali Berisha ka deklaruar sot pasdite se Bashkimi për Fitore do të përcaktojë qëndrimin ndaj zgjedhjeve të 24 qershorit pas shpalljes së rezultatit përfundimtar. Është ende herët tha Berisha të flitet për njohje ose jo të rezultatit të zgjedhjeve. Një veprim i tillë nuk është bërë nga asnjë përveç Partisë Socialiste e cila ka shpallur rezultatet disa herë. Ndërsa në lidhje me rezultatet Berisha tha se Bashkimi për Fitore ka fituar në 27 zona ndërsa socialistët në 29 zona. Por, tha Berisha, përqindja proporcionale e Bashkimit për Fitore është pakrahasimisht më e lartë se ajo e Partisë Socialiste.
“Ne kemi fituar 27 zona të sigurta. Socialistët kanë fituar 29 zona, por nëse krahasoni zonat tona me elektoratin e zonave tona dhe elektoratin e zonave të fituara prej tyre, është 180% e sigurtë që elektorati i tyre është elektorati ynë. Pse? Siç thonë dhe vëzhguesit ndërkombëtarë, variacionet shumë të mëdha në numrin e zgjedhësve nga zona në zonë. Pra, çfarë do të thotë kjo në terma elektorale. Në terma elektorale kjo do të thotë se % jonë proporcional është krahasimisht e lartë sesa % e socialistëve në të cilët siç e pate vetë, u katandis.”
Ndërsa në lidhje me deklaratën e vëzhguesve ndërkombëtar, Berisha tha:
“Absolutisht nuk ekziston asnjë fjalë nga fillimi në fund për zgjedhje të admirueshme. Fatkeqësi nëse ju disinformoni shtypin shqiptar apo opinionin publik, përkundrazi atë frazë positive që thotë në fjalinë e pare e vendos krejtësisht në kushtet e paragrafit të fundit kur thotë se këto zgjedhje ishin një hap pozitiv drejt standarteve ndërkombëtare, por thotë se është kështu dhe do të jetë kështu. Në rast se do të mund të thuhet kjo, atëherë kur të bëhet zgjedhja e rezultateve, kur të bëhet raundi idytë të shihet funksionimi i gjykatave dhe i KQZ .”/tvklan.al

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]

свернуть