Lajme Arkiva - TV Klan 2000

Këshilli Kombëtar i Radio dhe Televizioneve, ka miratuar licencën e 28 radiove dhe 36 televizioneve private në Shqipëri, për transmetime lokale. Ndërkohë që në këtë fazë janë kualifikuar për në garë finale për licencë kombëtare edhe dy radio e gjashtë televizione private. Në mbledhjen e saj më të fundit, pasi ka shqyrtuar dokumentacionin për licencim, KKRTV, vendosi zyrtarizmin e transmetimit për ato subjekte, që paraqitën dokumentacion më të plotë për transmetim radioteleviziv lokal.

Me vendim të këshillit kombëtar u vendos dhe ekzekutimi i gjobave ndaj Alba Televizion dhe Nesër TV, të cilat sipas raportit të grupit të inspektimit, dënohen për shkelje ligjore dhe administrative të transmetimit në më shumë se një kanal. Televizionet të cilat kanë vazhduar konkurrimin për licencë kombëtare veç TV Klan, TVA, Tele Norba dhe Shijak TV, janë dhe TV Kukësi, Vizion TV, ATN1, Alba TV, TV Ballkan dhe Real TV.

Pas kësaj Këshilli Kombëtar i Radio dhe Televizioneve, ka vendosur ngritjen e një grupi ekspertësh, të cilët do të bëjnë inspektimin në vend të të dhënave, pajisjeve dhe ambienteve të të gjithë pretendentëve për licencë kombëtare. Më 15 Nëntor pritet që të shfaqen edhe fituesit e këtyre licencave, ku gara më e fortë pritet të zhvillohet për dy frekuencat kombëtare televizive./tvklan.al

Gazetare – Holta Zhiti



SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]

свернуть