#جفران_بن_هضبان #ابن_جخدب
الموت الحمر فردية بندر بن فهاد بن جخدب القحطاني
كلمات عبدالرحمن بن معيض الحبابي
اداء جفران بن هضبان

الكلمات

ياناثر الورد لاتحرق يديك الشموع
النار تبغى من يلاحق مشاهيبها

ماهي بلحية فناجيل ودلال وقدوع
كم ديرة تحتريني عاوي ذيبها

ومساري الليل عادة كل ذيب شلوع
ديار يصبح بها وديار يمسي بها

وانا خذيت الديار المهميه قطوع
مطلب ورا عندل عزت مطاليبها

لعيونها الجاه قدمته وسقت الدفوع
غيداً حجاجيرها اكثر من خطاطيبها

ابي ليا شيل مطلعها ومر السموع
كل تطاول لها عساه معني بها

اعني بها خيال العشوا الحصان الرثوع
لياهبدها ماينشد عن عواقيبها

اصدق من الواقعيه في عيون القنوع
واكبر من الهقوه اللي كنت هاقي بها

يانوم عيني يابوفهاد ستر الفروع
لاكبرت القاله انت اكبر معازيبها

مافيك عذروب غير انك عوج ما انت طوع
عواجة كل طيب راس راضي بها

ياسيف من ينطحون الغاره بلا دروع
من عاد الايام ماصفيت مشاريبها

جاتك جموع قحطان مفرقين النجوع
قبيلة كاتب التاريخ يحكيبها

اهل القنا والنقا واهل الكرم والشروع
نصف القبايل ترحب من تراحيبها

ماتنحني روسهم غير لسجود وركوع
لاكبرو للفرايض في محاريبها

عقال وليا تجيهلنا جهلنا يروع
من ذاق وطية جهلنا قام يدعي بها

روس على روس ما الله حط فينا تبوع
في وقت فيه التبوع تجاهر بعيبها

اللي ليا سمعت الصياح جاته فزوع
تصيح لوكان ماتدري وش اللي بها

نكرم وتكرم لحانا عن صفات الدنوع
قحطان ساس العروبه واصل تعريبها

يقدمونك يابندر وانت حر بتوع
تحريبها ياولد فهاد تحريبها

عودتنا كل عام من طلوع لطلوع
حنا نعشق العسيره وانت ترهي بها

تقلط على الشوط بالشقحا النظير الشعوع
من يوم تقبل وهو معروف ترتيبها

تزوع راس كبر روس البعارين زوع
كن النوادر لاجت معها دباديبها

تشوش وتطوش لا صكت عليها الجموع
وتشوش الشاعر ليا جاء يغنيبها

حليها من بنات البدو طرقا فروع
سمر الجدايل على الامتان توميبها

ليا اقبلت كن في لبة نحرها سطوع
كن القمر من شعرها لا تلابيبها

تجمع الحسن والمنسب وزين الطبوع
وطرا علي قلت احليها واحليبها

احلي ابها غزيز طيرت كل شوع
من خشمها فل كامل لاعراقيبها

ام النواميس ولا سمها ام الدموع
بكت لها رجال بلحاها واشانيبها

ودك قبل لاتوزع الاوشحه والدروع
يرسل لها الكاس ماهو لازم نجيبها

تاطا على كبود ناس ماتعرف السنوع
فيهم لها سنين بينت مضاريبها

عذروبها في معرفتهم قلال النفوع
ناقه وكنها فحل هذي عذاريبها

من طمع في شوطها ماني بعده طموع
هذا اللي تمره وتسري مايدريبها

ينام يوم الاحد ويقوم يوم الربوع
ماهو بيعرف خطا الدنيا من مصيبها

مايدري ان مركز الموت الحمر حب كوع
ماهو ردا في حلاله غير من طيبها

свернуть