غنت السيدة أم كلثوم هذه الاغنية في الوصلة الثانية من الحفل الذي اقيم في سينما قصر النيل بتاريخ 7 مايو 1970 .. وهي من كلمات الشاعر مأمون الشناوي وألحان الموسيقار الكبير محمد عبد الوهاب وتعليق الاذاعي صالح مهران ..

كلمات أغنية دارت الايام

ودارت الايام ومرت الايام ما بين بعاد وخصام
وقابلته نسيت انى خاصمته
ونسيت الليل اللى سهرته
وسامحت عذاب قلبى وحيرتى
معرفش ازاى ازاى انا كلمته
مقدرش على بعد حبيبى
انا ليا مين مين الا حبيبى


قابلنى والاشواق فى عنينه
سلم وخد ايدى فى ايديه
وهمسلى قاللى الحق عليه
نسيت ساعتها بعدنا ليه
فين دموع عينى اللى مانامت ليالى
بابتسامه من عيونه نسيهالى
امر عذاب واحلى عذاب
عذاب الحب للاحباب
مقدرتش اصبر يوم على بعده
ده الصبر عايز صبر لوحده
مقدرش على بعد حبيبى
انا ليا مين الا حبيبى


وصفولى الصبر لقيته خيال
وكلام فى الحب يادوب ينقال
اهرب من قلبى اروح على فين
ليالينا الحلوه فى كل مكان
مليناها حب احنا الاتنين
وملينا الدنيا امل وحنان
عينى عينى على العاشقين
حياره مظلومين
على الصبر موش قادرين
عينى يا عينى يا عينى


ودارت الايام ومرت الايام
وهل الفجر بعد الهجر
بلونه الوردى بيصبح
ونور الصبح صحى الفرح
وقال للحب قوم افرح
من فرحتى فرحتى توهت مع الفرحه
من فرحتى لا بنام ولا بصحى
وليقتنى معاه بعيش فى ربيع
مفيش كده من شوق ماينتهيش
وشوق تانى ابتدى


مقدرتش اصبر يوم على بعده
ده الصبر عايز صبر لوحده
مقدرش على بعد حبيبى
انا ليا مين مين مين الا حبيبى

свернуть