Ақмола облысының Қосшы қаласында Қазақстандағы алғашқы "Жайлы мектеп" ашылды. Ұлттық жоба талабына сай тұңғыш білім ұясы үш мың оқушыға арналған. Шәкірттер онда білім алып қана қоймай машинамен тігін тігуді, металл мен ағаш өңдеп, қыш жасауды да үйренеді. Ерекше балалар үшін де барлық жағдай жасалған.
Қосшы қаласында ашылған үш қабатты бұл мектептің аумағы 17,5 мың шаршы метр жерді алып жатыр. Жаңа ғимараттың ерекшелігі көп. Шәкірттер мұнда білім алып қана қоймай виртуалды көлік жүргізіп, металл мен ағаш өңдеуді, қыш жасап, тігін тігуді де үйрене алады. Себебі, бұл еліміздегі алғашқы "Жайлы мектеп". Заманауи үлгіде салынған білім ұясына балаларын әкелген ата-аналардың қуанышында шек болмады.
Екі ауысымды мектеп үш мың оқушыға арналған. Болат Өтемұратов қоры мен "Верный капитал" компаниясы бірге салған ғимарат ерекшелігі мұнымен бітпейді. Мектепте ерекше балалар үшін төрт жедел саты жұмыс істейді. Қала берді баскетбол, футбол және волейбол алаңдары да бар. Үстел теннисімен айналысатын оқушыларға да жағдай жасалған.
ЕРЛАН ОСПАНОВ, "ВЕРНЫЙ КАПИТАЛ" компаниялар тобының бас директоры:
– «Бұл Қосшы қаласындағы жалпы білім беретін мектептердің бірі болады. Әкімдіктің білім басқармасының басқаруына беріліп, тегін мемлекеттік білім ошағы ретінде қызмет етеді. Ғимарат барлық техникамен, заманауи оқу құралдарымен жабдықталған. Әзірге мұндай мектеп еліміздің басқа аймақтарында жоқ»
Физика, химия, биологияға арналған шеберлік сыныптарымен қоса компьютер классы да қарастырылған. Ал, мектеп сыртында ауқымды автотұрақ бар. Осының бәріне 7,5 миллиард теңге жұмсалыпты. Болат Өтемұратов қоры тұрғызған білім ұясы толықтай мемлекет меншігіне берілді.













Бізді әлеуметтік желіде оқыңыздар:
Информбюро 31 [ Ссылка ]
Informburo kz [ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал

свернуть