Հայրենի տուն, հայրենիք կորցրած ընտանիքների համար Նոր տարին այլ ձև ու բովանդակություն ունի: 9 հոգանոց ընտանիքը 2023-ի պատերազմի օրերին դուրս է եկել Մարտունու շրջանից ու տեղահանվել Հայաստան: Բազմանդամ ընտանիքն այժմ Լոռու մարզի Ստեփանավան քաղաքում է ապրում: Իր ունեցած համեստ միջոցներով կփորձի այս տարի գոնե գումար հատկացնել ամանորյա գնումների համար: Եվ չնայած այն ամենին, ինչի միջով նրանք անցել են, Բալայանները երգում են, ժպտում ու տոնածառ զարդարում՝ հոգու խորքում խեղդելով պատերազմի թողած ցավն ու հիշողությունները:
