Një nga traditat më të veçanta dhe më të lashta të fshatit Pojan, në Maliq, është Dita e Rrogecëve, ose Karnavalet, një ngjarje që kremtohet çdo vit në fillim të janarit. Ky rit, i cili është trashëguar brez pas brezi, ka mbijetuar dhe është ruajtur nga banorët e fshatit, të cilët çdo vit i japin jetë kësaj festivaleje me shumë ngjyra dhe simbolika.
Qëllimi kryesor i kësaj feste është të largohen të keqen, frika, inati, mëria dhe urrejtja nga njerëzit, duke përdorur veshje dhe kostume të frikëshme.
Për organizatorin Xhafer Gjyshllari, ky është një rit me baza pagane, që kremtohet me të njëjtat veshje dhe kostume popullore çdo vit.
Në këtë ditë, disa nga personazhet kryesore të ceremonisë janë nusja, dhëndri, plaku dhe plaka, të cilët shoqërohen nga figura të tjera që mbajnë kambana dhe zile bagëtish për të larguar të keqen dhe për të sjellë fat dhe begati.
Këta personazhe udhëhoqen nëpër rrugët e fshatit, duke krijuar një atmosferë festive, që bashkon të rinjtë dhe të moshuarit në një ritual të përbashkët.
#lajmet #new #lajme #news #fypシ゚ #korçalajme #lajmeshqip #newvideo #lajmifundit #korça
