“İlk dövrümdə hamı mənimlə döyüşürdü. İndi isə hamı mənimlə dost olmaq istəyir”. Donald Tramp deyir. Bu həftə də baş rolda idi. Gah açıqlamaları ilə, gah da yeni saç düzümü ilə. Kanadanı ABŞ-nin 51-ci ştatı etmək istəyir, İranı müharibə ilə hədələyir, inaqurasiyasına düşməni Çinin prezidentini dəvət edir. Dünya onu gözləyir. Bir zamanlar Trampla vuruşanlar indi ona əl uzadır. Tramp isə kimə əl uzadacağını yaxşı bilir. Türkiyə Prezidenti Ərdoğanın ünvanına xeyli tərif yağdırır. Ərdoğanı ağıllı və güclü adam adlandıran Tramp etiraf da edir: Suriyanın açarı Türkiyənin əlindədir. Tramp Suriyada yaşananların arxasında Türkiyənin olduğunu deyir. Bundan isə narahat deyil. Əslində Türkiyə özü də dolayısı ilə bunu qəbul edir. Xarici işlər naziri Hakan Fidan etiraf edir ki, Suriyada əməliyyat başlayanda Türkiyə İran və Rusiya ilə anlaşıb. Bu razılaşmanın nəyin müqabilində əldə edildiyi əsas sualdır. Bəzi rus ekspertlər hesab edirlər ki, bu, Suriyanın Ukraynaya dəyişdirilməsi müqabilində ola bilər. İndi əsas məsələ Ərdoğanın bundan sonrakı planlarıdır. Ərdoğan ona təriflər yağdıran Trampla Suriya və PKK məsələsində hansı razılığa gələcək? Suriyada yaşananları fürsət bilib bu ölkəyə girən İsraillə Türkiyə necə davranacaq?
Bizi İzləyin:
Whatsapp: [ Ссылка ]
Facebook: [ Ссылка ]
Instagram: [ Ссылка ]
Teleqram: [ Ссылка ]
Sayt: [ Ссылка ]
Copyright © İCTİMAİ TV
#itv #ictimaitv #video #televiziya #baku #videolar #sondakika #video #gündem #news #sondeqiqe #sondəqiqə #gündem #news #keşfet
