Ujëvara e Valbonës është një nga vendet më frekuentuara nga turistët e huaj apo edhe vendas, por shpesh herë për të shkuar deri në këtë destinacion nga fshati Rrogami i Valbonës turistët hasin në disa vështirësi nga rrjedhja e përrenjve, të cilët here pas here janë të rrëmbyeshëm dhe shtegu dëmtohet.
Nor Hysaj, nga Valbona, ka marrë nismën e tij vullnetare pa mbështetjen e askujt për të ndërtuar ura provizore për kalimtarët që ecin në këtë shteg.Ai ka përdorur pemët e rrëzuara nga ortekët për të ndërtuar shkallë në formë ure, që lehtësojnë kalimin e vizitorëve.
