Түркістандағы «Әзірет Сұлтан» мемлекеттік тарихи-мәдени қорық мұражайында жөндеу жұмыстары басталды.
Көпшілік Қожа Ахмет Яссауи кесенесі деп білетін кешеннің кіре берісіне жаңбыр суы өтіп, қабырғасы бүлінген. Қазір ондағы Ескендір мен Есімхан бөлмесіндегі құлпытастар қалыпқа келтіріліп жатыр. Ал іргелес орналасқан «Жеті ата» ескі қалашығының қақпасы толықтай жаңғыртылды. Бұл жұмыстарға 30 млн теңге бөлінген. Мемлекеттік қорық-мұражай еліміздің сакралды картасына енген.
Марат Тұяқбаев, «Әзірет Сұлтан» мемлекеттік тарихи-мәдени қорық мұражайының бөлім меңгерушісі:
– Төбесінен су өткен жерлер бар. Бұл – Кесене салынғалы бері жөндеу жұмыстары жүргізілмеген бөлігі. Жүргізілсе де, қаптама қышы жоқ. Төбесі жазық, су астына қарай кетеді.Су өтіп, ол тұзданып, кірпіштердің бетіне шыққаннан кейін «Қазреставрацияның» жобалау институтынан мамандар келді. Олар зерттеу жұмыстарын жүргізген.
