كلمات الشيلة:

فاحت دلال الشعر و دلال فكري تفوح
مقنّده بالقصيد الجزل ومبهره
و البيت هذا يجي والبيت هذا يروح
الي ضرب في سهل والي ضرب فـ وعره
احيان احب الغموض الي يحب الوضوح
و الي محد جاب له خبر نجيب خبره
هل غادر الشعر من متردم ومن سفوح
ما غادر الشعر عان الشعر يا عنتره
يا مالك الشعر جاله بعد دعوتك روح
ما كنك الا الي مطلعه من مقبره
الله يوفقك يا مالك طويل الشبوح
للخير و العز و التوفيق و المغفره
يا جعل عمرك ياابو محمد كثر عمر نوح
ما عاد خليت من طيب الفعول شعره
يا ابن الرجال الي ان قامو تقوم المدوح
ميمون ساس الفخر والطيب هم ماكره
هذولي اهل الفعول الي تهد الطموح
الشجره الي على جال الفخر مثمره
مجملين الفعل و معمرين الصروح
والمجد هم مدهله والطيب هم مصدره
وقفاتهم للفخر والطيب فيها رجوح
وبالمرجله عد ميموني و عد عشره
ودك تسمع عزاويهم خلاف الطفوح
الي يقول اقضبه و الي يقول انحره
في يوم ما يصهل بمثناته الا الجموح
كن المنايا سحايب فوقهم ممطره
من ربعي مطير والتاريخ مجده يلوح
ما كنه الا القمر فـ الليله المقمره
عز الخوي و المعادي ما له الا الذبوح
نقص له تذكره سيده على الاخره
حنا هل المعجزات الي تداوي الجروح
والله محدً يسابقنا على المفخره

свернуть