Arritjet e 2024 janë motiv krenarie për Presidentin e Federatës Shqiptare të Futbollit, Armand Duka dhe këtë ai ka dashur ta ndajë me të gjithë shqiptarët në një urim në ditën e fundit të vitit.
“Përjetuam emocione të jashtëzakonshme në Europianin e Gjermanisë këtë vit, me djemtë e Kombëtares në fushë, tifozët në stadiume, rrugë e sheshe, me Flamurin tonë që u valëvit me krenari e më shumë se kurrë nga çdo shqiptar në Gjermani dhe në çdo cep të globit”.
Përmirësimi i infrastrukturës ekzistuese si dhe ndërtimi i fushave të reja të futbollit ka bërë që të rritet numri i të rinjve në këtë sport. Jo vetëm kaq. FSHF është kthyer në një partner serioz për UEFA-n dhe FIFA-n në organizimin e eventeve të rëndësishme ndërkombëtare për vitin e ardhshëm
“Organizimi i Kampionatit Europian U-17 në 4 stadiumet tona, ku 8 ekipe europiane të kualifikuara, mes të cilave dhe kombëtarja jonë si vend organizator, do të përballen mes tyre për të shpallur kampionin”.
Interesi i publikut sigurisht që do të jetë në sfidat e ekipeve kombëtare.
“Do të ndjekim me emocion kombëtaret tona të vajzave dhe djemve. Vajzat, në konkurrimin e tyre për Nations League përballë Kroacisë, Ukrainës e Çekisë; e djemtë tanë në kualifikueset e Botërorit përballë Anglisë, Serbisë, Letonisë e Andorrës”.
Presidenti Duka shpreh edhe një dëshirë.
“Uroj që përveç këtyre arritjeve e programeve, Viti i Ri të sjellë për ju vajza e djem që e doni futbollin ligjin e shumë kërkuar e të domosdoshëm të sponsorizimeve në sport. Në emër të Federatës Shqiptare të Futbollit, Gëzuar 2025! Ardhtë i bardhë e i begatë”.
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
