Bakıda polisin “saxla” əmrinə tabe olmayan sürücü digər avtomobillərə ciddi təhlükə törədib.
Hadisənin görüntüləri sosial şəbəkələrdə yayılıb.
Videodan aydın olur ki, 77-EY-438 dövlət qeydiyyat nömrə nişanlı, “Ravon R3” markalı avtomobil hərəkətin aktiv olduğu yolda polisin “saxla” əmrinə tabe olmayaraq, təhlükəli manevrlər edir.
Qəza vəziyyəti yaradan sürücü yol polisi əməkdaşlarının səyi nəticəsində saxlanılıb.
Polisin “saxla” əmrinə dəfələrlə tabe olmayan sürücü məhkəmə qarşısına çıxarılacaq.
Bununla bağlı Oxu.Az-a Bakı Şəhər Dövlət Yol Polisi İdarəsindən (BDYPİ) məlumat verilib.
#dyp #vaxtmedia #polis
