⠀⠀⠀⠀⠀⠀⠀⠀
© جميع الحقوق محفوظة
لخيرالله السرحان 2017
⠀⠀⠀⠀⠀⠀⠀
MY INSTAGRAM
[ Ссылка ]
⠀⠀⠀⠀⠀⠀⠀⠀⠀⠀⠀⠀⠀⠀⠀⠀
اللهم لا اعتراض في قضاه ..
لكن اساله الصبر و اللطف فيه ..
ابن عبده واعبده واطلب رضاه ..
واحمده واستغفره واتوب اليه ..
ما حمدنا عقب مكروهن سواه ..
ولا كرهنا كل ما يحمد عليه ..
يا إلهي وانت ما غيرك إلاه ..
المصاب يفوق حزن ٍ نكتسيه ..
اجبر اللي ضاع صوته من بكاه ..
وقو عزمه كان صبره بيهديه ..
كل ما شاف القبر قبل حصاه ..
وكل ما اقفى خطوة ٍ عوّد عليه ..
والله انه ما درى ان كبده وراه ..
لين قفى والتفت في قبر ابيه ..
واحدٍ مثلي ماهو يجبر عزاه ..
لو على ابي سقت دمعي كل ابيه ..
بري حالي كل ما شفت اخوياه ..
اتذكر شوف ابي بين الوجيه ..
شوف مجلاسه ومركاه وعصاه ..
شِين بيتٍ دارين ماهوب فيه ..
ذا مكانه لا دعى الضيف لعشاه ..
يتباشر بالضيوف اللي تجيه ..
يتفقد حال ربعه و قصراه ..
ويتنشد من صفا القلب النزيه ..
ذا مكانه عاد للدنيا طراه ..
يترقب للاذان ويحتريه ..
يتوضى ويتجهز للصلاة ..
ويدعي المولى ويرفع له يديه ..
يطلب الله حاجتين في دعاه ..
حسن خاتمته ورحمة والديه ..
عطر الله قبره وطيب ثراه ..
وعاظنا بالصبر لو ما نحتويه ..
وش طرات العمر جعل امحق حياه ..
عقب ابي جعل البقى في راس اخيه ..
