ئەگەر لوتفت هەبێ یاڕەب ئیمان ئەبێ بە پەرژینم
لەباتی سەیری دونیا کەم بە چاوی دڵ تۆ ئەبینم
٭٭٭
بەهەشتم کەی لەفکرایە مەبەستم بەندەگیی تۆیە
ئاواتم تۆی ئیمانم تۆی دڵ عەرشە و جێتە ئەی دینم
٭٭٭
چەندە دۆزەخ بڵێسەی بێ باکم نیە لەشـــــاڵاوی
بەعەشقی تۆ گەر ڕژابێ بەسەر سینەم دا ئەسرینم
٭٭٭
ئا لەو بادەی ڕەواجدارە لە بازاڕی هەوا خواهت
دە بابێ وا پەرێشانم بەبێ مەی نایە تەسکینم
٭٭
دوو لێوم تەڕکە سەردارم لە بەحرێ کە بێ پایانە
سەرم ناوێ بەیەک قەترە ئەغەڵ تێ تاکو بەربینم
٭٭
کەگیان شادی ویساڵت بێ لەش پێی ڕەوایە بۆ سوتان
بۆ نەیبڕن لەپێناوتا دوو دەستی فێرە لەرزیـــــــــنم
٭٭٭
لەگۆشەی مەستیۆ جار جار سەرێ دەرهێنێ بێداری
مەشخەڵە چۆن نهێنی بێ سۆزی ئەوینی ئاگریــــنم
٭٭٭
مەلا حەقی لەدەستدایە قازی مەنسور و دەروێشە
لە شیری سەربڕین و سەربڕاوی هەردوو ڕێبینم

حاجي شێخ حسێن شێخ کاکە حەمەی کەسنەزانی

свернуть