Խոսնակ՝ Դավիթ սարկավագ Գիշյան Մայր Աթոռ Սուրբ Էջմիածին։
2 ԿՈՐՆԹԱՑԻՆԵՐԻՆ 12:1 Արդ, ես պէ՛տք է պարծենամ, թէեւ ոչ մի օգուտ չունի պարծենալը։ Սակայն պիտի պատմեմ ձեզ Տիրոջ տեսիլքների եւ յայտնութիւնների մասին։
2 ԿՈՐՆԹԱՑԻՆԵՐԻՆ 12:2 Գիտեմ մի մարդու ի Քրիստոս, որ տասնչորս տարի առաջ (թէ մարմնով էր՝ չգիտեմ, եւ թէ առանց մարմնի՝ չգիտեմ, Աստուա՛ծ գիտէ) յափշտակուեց մինչեւ երրորդ երկինք։
2 ԿՈՐՆԹԱՑԻՆԵՐԻՆ 12:3 Եւ գիտեմ այդպիսի մարդու (թէ մարմնով էր կամ առանց մարմնի՝ չգիտեմ, Աստուա՛ծ գիտէ),
2 ԿՈՐՆԹԱՑԻՆԵՐԻՆ 12:4 որ յափշտակուեց մինչեւ դրախտ եւ լսեց անպատում խօսքեր, որ մարդս արտօնուած չէ խօսել։
2 ԿՈՐՆԹԱՑԻՆԵՐԻՆ 12:5 Այդպիսի մէկով պիտի պարծենամ. բայց ես ինձնո՛վ չպիտի պարծենամ, այլ միայն՝ իմ տկարութիւններով.
2 ԿՈՐՆԹԱՑԻՆԵՐԻՆ 12:6 որովհետեւ, եթէ ուզենամ էլ պարծենալ, յիմարի մէկը չեմ լինի. քանզի ճշմարիտն եմ ասում. բայց հրաժարւում եմ ասելուց. գուցէ մէկը աւելի համարում ունենայ իմ մասին, քան ինչ որ տեսնում է իմ մէջ կամ լսում է ինձնից։
2 ԿՈՐՆԹԱՑԻՆԵՐԻՆ 12:7 Եւ որպէսզի այդ յայտնութիւնների առատութեամբ չհպարտանամ, ինձ տրուեց մարմնի խայթ, Սատանայի մի պատգամաւոր, որ բռնցքահարի ինձ, որպէսզի չգոռոզամտանամ։
2 ԿՈՐՆԹԱՑԻՆԵՐԻՆ 12:8 Եւ դրա համար երեք անգամ աղաչեցի Տիրոջը, որ նրան ինձնից հեռացնի։
2 ԿՈՐՆԹԱՑԻՆԵՐԻՆ 12:9 Բայց ասաց ինձ. «Իմ շնորհը քեզ բաւ է, որովհետեւ իմ զօրութիւնը տկարութեան մէջ է ամբողջական դառնում»։ Եւ արդ, լաւ էլ է, որ ես պարծենամ իմ տկարութիւններով, որպէսզի իմ մէջ բնակուի Քրիստոսի զօրութիւնը։
2 ԿՈՐՆԹԱՑԻՆԵՐԻՆ 12:10 Դրա համար գոհունակութեամբ համակերպւում եմ տկարութիւններին, նախատինքներին, վշտերին, հալածանքներին եւ նեղութիւններին՝ Քրիստոսի համար. որովհետեւ, երբ տկար եմ, այն ժամանակ եմ զօրաւոր։
#քարոզ #Դավիթսարկավագ #խոկում #ՍուրբԱնանիա #մատուռ #qaroz #Davitsarkavag #xokum #SurbAnania #matur

свернуть