آخر زيارة
حسيت في آخر زيارة
شيء بعيونك مختلف
و شيء بحديثك مختلف
حتى سكوتك مختلف
و صرت بشكوك
شفت الحقيقه في عيونك تعترف
موقف غريب موقف أبد ما ينوصف
وين الكلام.. وين الحراره في السلام
كبير الفرق ما بين أول لقاء
و آخر زيارة.. و محتار اش أقول
يا حب خانتني العبارة ..
و الحر تكفيه الإشارة
كل شي حبّيته في بيتك نساني
الهدوء..الليل..الصمت..الأغاني
حتّى لون الورد.. و الوجد ..و مكاني
داهمتني الغربه..ليتني ما جيت
..ليتني ردّيت
لساني ضيّع غربتي
كلمات: فائق عبدالجليل
ألحان: فنان العرب
