تیکوں کون ڈسے۔۔۔۔!
جیرھا کھلدیں ہوئیں نہ تھکدا ہا۔
آج روندے رو رو بڈ ویندے۔

تیکوں کون ڈسے۔۔۔۔!
تیڈے رستے تیں۔
ڈو اکھیں لاتھین آج تانڑیں۔

تیکوں کون ڈسے۔۔۔۔۔۔!
جیندی ہک سگریٹ چھڑوائی ہاوی۔
100 سگریٹ روز دے پی ویندے۔

تیکوں کون ڈسے۔۔۔۔۔!
او سوہنڑہ گبھرو وستی دا۔
بنڑ پاگل پھردے وستی وچ

تیکوں کون ڈسے۔۔۔۔۔!
تیڈی ماسی۔۔۔میڈی بڈھڑی ماء۔
میڈی حالت ڈیکھ کے روندی ہے۔

تیکوں کون ڈسے۔۔۔۔۔۔۔!
کوئی گل گیا اج وی سانبھی پئے۔
کجھ ٹکڑے کچیں ونگیں دے۔

تیکوں کون ڈسے۔۔۔۔۔۔!
جیرھی ٹالھی در تیں ہوندی ہئی۔
تیڈی پینگھ آلی۔۔۔او سک گئی ہے۔

تیکوں کون ڈسے۔۔۔۔۔۔!
جیرھا کلہا پتر ہا دینے دا۔
او فوج ءچ بھرتی تھیا ہا۔۔کل وستی اوندی لاش آئی ء۔

حاتم بلوچ
#dohra
#status
#new_whats_app_status
#lovestatus
#saraikistatus
#sad

свернуть