[ Ссылка ]
[ Ссылка ]
[ Ссылка ]
Trafikantët e drogës synojnë të gjejnë tregje te reja, këtë radhë jo në perëndim, por në lindje. Rreth 500 kg lende narkotike kanabis sativa e fshehur ne tavanin e rimorkios se këtij kamioni, sipas policisë, kishte destinacion Turqinë. Hashashi u zbulua mbrëmjen e të enjtes, teksa tentonte të kalonte në pikën kufitare të Kapshticës. Droga ishte e ndare ne 474 pako te mbështjella me natriban. Ajo u vu re gjatë kontrollit ne skaner të kamionit. Policia ka vene ne pranga drejtuesin e automjetit, 38 vjeçarin Eldi Zahiri nga Durrësi. Ai dyshohet se ka marrë përsipër transportin e hashashit drejt Turqisë, duke kaluar përmes territorit grek. Zahiri është marrë në pyetje për të treguar personat që ia kanë dhënë drogën, si dhe vendin ku kishte modifikuar kamionin për fshehjen e saj. Por deri më tani policia nuk ka dhënë detaje mbi ecurinë e hetimeve për këtë linjë të re te trafikut.

свернуть