رح بشر اللي ينتظر شوف عفرين
قله غدا ازين ذالسنه منه العام

بكرآ خذا من حمرة الشمس لونين
وقت الشروق. وقبل خلاف الاظلام

كن عاتقه سيفٍ بيدين السلاطين
وكن ريشته عقدٍ على منحر اريام

وفعله مثبت في جميع الميادين
فعل العديم اللي على الصيد جزام

وطرحٍ لربعي من بعيد البلادين
ماشله شريطي ولاجاه سوام

ربعٍ على عسر الصعيبات. ضارين
من صفوة ارجال المهمات. من يام

وطير الكريم اللي يعدل الموازين
حاكم ولاينقل سوا طيور. حكام

شيخٍ حديث الأزمنه. والدواوين
وتناقل اخباره من الشرق. للشام

جوعان لادارت علوم وبراهين
الهيلع اللي ف المهمات مقدام

يخلق لميزان المراجل. قوانين
صيته يشيل ارقام ويحطم ارقام

وبيته لعطران الشوارب عناوين
كم عان معسورٍ وكم عز منضام

بنك الطناخه في رصيده ملايين
مايعرف الاتم. وابشر. وقدام

ولاينقل الا نادرات الملاويين
اللي لها قلوب الصقاقير هيام

اما مثل تيمور اوشكل عفرين
اللي حديث الموسم اليوم. والعام

لوبن جميله شاف ماشافت العين
قام يتغنى بالقوافي. والأهام

والله يلاحيني على العسر واللين
وانه ينومسني جعل عمره اعوام

свернуть