MIRËNJOHJE PËR DY PERSONALITETE TË FEDERATËS SË PAQES UNIVERSALE, 7 dhjetor 2024

Me rastin e 80 vjetorit të lindjes së kompozitorit të shquar z. Flamur Shehu dhe 60 vjetorit të gazetarit e moderatorit të mirënjohur z. Dëfrim Methasani, me inisiativë të Këshillit të Paqes Tiranë dhe në emër të të gjithë Ambasadorëve për Paqe në Shqipëri, në mjediset e Ambasadës së Paqes, në datë 7 dhjetor 2024 u organizua një ceremoni e bukur vlerësimi dhe mirënjohjeje për kontributin e madh që këto dy figura drejtuese të Federatës së Paqes Universale Shqipëri kanë dhënë në rritjen dhe zhvillimin e saj. Pjesë e ceremonisë “surprizë” ishin edhe vlerësimet nga drejtuesit e Federatës në nivel Evropian. Pjesëmarrësit, Ambasadorë për Paqe, familjarë dhe miq të ftuar të z. Flamur Shehu e z. Dëfrim Methasani, ndoqën nën tingujt e këngëve të vetë kompozitorit, një montazh fotosh, që pasqyruan pjesë nga veprimtaritë e tyre ndër vite, si kontribues pranë FPU dhe në jetën publike, në art dhe sport.

свернуть