DURRES - Policia Bashkiake në Durrës ka nisur sot një aksion për heqjen e shezlongeve për ato subjekte që janë pa leje dhe që kanë zënë hapësira publike pa leje duke krijuar plazhe private.
Sipas policisë bashkiake, plazhi në këtë zonë do të jetë në raportin 80% për publikun dhe 20% për subjektet private.
Gjithashtu, gjatë aksionit në fjalë, ka nisur prishja e ndërtimeve të cilat nuk kanë shlyer detyrimet tatimore, me qëllim çlirimin e hapësirave publike në zonën e plazhit.
Deri ma tani nuk janë raportuar kundërshtime apo konfliktime nga ana e banorëve, ndërsa aksioni i policisë pritet të vijojë gjatë gjithë ditës së sotme.
