Бүгін Талдықорған қаласында таңғы уақытта оқыс оқиға болды.
Облыстық қорғаныс істері жөніндегі департаментте әскери қызметкер өз әріптесін атып тастаған.
Бұл суыт хабар сенбінің жайбарақат таңында демалып жатқан жұртшылықты селт еткізді. Оқыс оқиға таңертеңгі сағат 8-дер шамасында әскери ғимараттың ішінде болған.
Әскери шендегі екі әріптес бір-бірімен келіспей қалып, біреуі оқ атқан. Екіншісі сол жерде мерт болған. Алғашқыда әлгі оқ атқан қызметкер кабинетке ешкімді кіргізбей тұрған. Оқиға орнына келген құзырлы орган басшылары онымен келіссөз жүргізіп, нәтижесінде әскери қызметкер өз бөлмесін ашқан. Бірақ осы кезде қолындағы аңшы мылтығын терезеден сыртқа қарай лақтырып үлгерген. Сөйтіп өзі құқық қорғау органдарына өз еркімен берілді.
Қазір тергеу жұмыстары жүріп жатыр. Оқиға орыны қоршауға алынған. Ешкімді өткізбейді.
Авторлары: Тілеуқабыл Мыңжасар, Олжас Байбосынов Подписывайтесь на «Хабар 24»:
[ Ссылка ]
Наш сайт - [ Ссылка ]
Facebook - [ Ссылка ]
Instagram - [ Ссылка ]
Telegram - [ Ссылка ]
Twitter - [ Ссылка ]
Vkontakte - [ Ссылка ]
