БІЗДІҢ YOUTUBE АРНАҒА ТІРКЕЛІҢІЗ: [ Ссылка ]
---------------------------------------------
Теңдессіз жобамызға көз салыңыз: [ Ссылка ]
Бишімбаев ісі - [ Ссылка ]
Су тасқыны бойынша барлық ақпарат - [ Ссылка ]
Жұмбақ өлімдер - [ Ссылка ]
Бүгінгі шығарылымда:
16 жастағы Шерзат Болаттың өліміне қатысты тағы үш адам күдікті ретінде қамауға алынды. Олар аса ауыр қылмысты көре тұра полицияға хабар бермегені үшін ұсталды. Ішкі істер министрлігі өкілдерінің мәлімдеуінше, қазір жәбірленушілерді қорқыту, оларға қоқан-лоққы көрсету дерегі бойынша іс қозғалып отыр. 10 күдіктіден бөлек, қаралы түнде оқиға орнында жүрген 2 адам да тергеу кезінде бақылауда болады. Құзырлы органдағылар олардың нақты кімдер екенін айтпады. Алайда күні кеше әлеуметтік желіде ашық тараған бейнежазбаға қатысты бүгін ресми түрде түсінік беріп, Талғардағы қанды оқиғаның мән-жайын баяндады.
Жария етілмеуі керек болған дүкендегі бейнежазба қоғам назарына тарап кеткеннен кейін құзырлы органдағылар шұғыл брифинг өткізіп, оқиғаның ресми хроникасын видео айғақпен баяндады. Полицияның мәлімдеуінше, жеткіншек өліміне әкелген жанжал сыраға бола басталмаған. Дүкенге кірген күдікті ішімдік пен темекінің ақысын толық төлеген және бұл сараптамамен расталды дейді. Есеп айырысқан соң екі жақ жанжалсыз қоштасқан. Кейін сыра алған адам дүкенге телефонын қуаттауға тастап, бірнеше минут өткенде қайта алып шығып кетіпті.
Видеоны түсіндірген құзырлы орган өкілі жанжал басталып, күдікті достарын шақырғаннан кейін Шерзаттың әкесі дүкеннен алып шыққан затқа да назар аудартты. Бірақ оның қолына не ұстағанын нақты айтпады. Сараптамамен анықталады деді. Құзырлы орган өкілі сондай-ақ дүкен маңында болған 2 қыздың жанжалды тоқтатуға тырысқан деп отыр. Ал соңы жеткіншек өліміне әкелген жанжал неден басталғаны әлі белгісіз.
БАУЫРЖАН ӘЛЕНОВ, ҚР Ішкі Істер Министрінің Орынбасары:
– Олар бейбіт қоштасқандай болған. Сондықтан біз қазір жан-жақты тексеріп жатырмыз. Марқұм Шерзат пен күдікті арасындағы жанжал неден басталғаны, араларында не болғаны анықталады. Бұл жайында әлі егжей-тегжейлі мәлімдеме жасалады.
Полицияның хабарлауынша, қан төгілген жерден 3 пышақ пен 1 мылтық алынған. Оқиғаға қатысты қазір жалпы 5 қылмыстың іс қозғалған. Оның ішінде жәбірленушілерді қорқыту дерегі де бар. Сондай-ақ, Алматы облысының прокуроры бүгін Шерзаттың әке-шешесінің үйі қасақана өртелгенін растады. Оның айтуынша, оқиға орнынан қолғап пен канистр табылған.
БЕРІК АДАМОВ, Алматы облысының прокуроры:
– Мамандар өрттің үйдің сыртынан басталғанын, оқыс жағдай болмағанын және сыртқы от көзі қолданылғанын алғашқы қорытынды ретінде шығарды.
Құзырлы органдар құпия сақталған бейнежазбаның әлеуметтік желіде тарап кетуіне байланысты да қылмыстық іс қозғалғанын мәлімдеді. Айта кетсек, күні кеше интернет-порталдарда дүкендегі дәл сол видео жариялана бастағаннан кейін Шерзаттың әкесі Қаржаубай Нұрымов үндеу жасаған болатын.
ҚАРЖАУБАЙ НҰРЫМОВ, Шерзат Болаттың әкесі:
– Әділ сот болғанын қалаймын. Егер менің кінәм болса, мені кінәласын. Бауырымның кінәсі болса бауырымды кінәласын. Сосын менің баламды өлтірген адамдар әділ жазаға кесілсін.
Ішкі істер министрлігінің өкілдері ұсталған 10 күдіктінің арасында бұрын істі болғандар да барын растады. Кейбірі пробациялық есепте тұрған. Енді олардың беймезгіл уақытта емін-еркін көшеде жүруіне жол бергендерге қатысты қызметтік тексеріс жүргізілмек. Жасөспірімнің өлімінен кейін міндетін орындай алмаған Талғар қаласының әкімі мен оның орынбасары қызметінен қуылды. Аудан әкімдігінде де бір қызметкер орнын босатып, бірнеше адамға сөгіс жарияланған.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 [ Ссылка ]
Informburo kz [ Ссылка ]
Facebook - [ Ссылка ]
Instagram - [ Ссылка ]
WhatApp - [ Ссылка ]
TikTok - [ Ссылка ]
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық
